Escuela infantil para 0-3 años que rompe con los esquemas tradicionales de educación que no han funcionado.

Gure hezkuntza-proiektuaren helburua haurren osoko garapena da: maila fisikoan, sozialean, afektiboan, emozionalean, kognitiboan eta pertsonalean.

Emozioa, kontuan hartzekoa

Gure heziketa-proiektuak arreta berezia eskaintzen dio alderdi afektibo nahiz emozionalei. 0-3 urte bitarteko etapa honetan, oinarri afektibo eta emozionalak sendotzea da lehentasuna. Izan ere, haur-hezkuntzaren edozein esparrutan aurrerapausoak egiteko beharrezko baldintza baita hori.
Arreta handiagoa

Indarrean dagoen araudiak zehazten duen hezkuntza-langileen kopurua bikoizten dugu, haur bakoitzaren erritmoari arreta jarri ahal izateko.
Giroa

Ikasketarako eta garapenerako oinarri izango diren afektu, konfiantza eta segurtasunezko giroa sortzen dugu: adinen araberako talde homogeneoak eta autoestimua sustatzen duten hezitzaileak
Protagonistak

Haurrek paper aktiboa jokatzen dute gure eskolan: euren ikasketa-prozesuaren protagonistak dira. Helduek (hezitzaileek) esperientziak proposatzen dituzte, ikasketa autonomoa eragiteko materialekin lan egiten dute eta haurrari itxaroten diote, haurra bera baita ekimenez jardungo duena eta bere barnetik sortzen den jarduera propioa sortuko duena. Horretarako, “bere” denbora behar du. Bitartean, helduak (hezitzaileak) lagundu egingo dio eta bere beharrei erantzuteko prest agertuko da.